كيف تحمي حساباتك الخاصة على الإنترنت

السلام عليكم ورحمه الله وبركاته

هنتكلم النهارده عن أزاى تحمى حساباتك من المواقع اللى بتسجل بيها سواء حسابات بنكيه او حسابات لمواقع تواصل مثل الفيسبوك..طيب هنشوف دلوقتى أزاى بتتسرق معلوماتك على الانترنت سواء فى سرقه فلوسك او انتحال شخصيتك..على الشبكه..وبالمناسبه جريمه سرقه الهويه أو أنتحال شخصيه دى حاجه مش جديده دى قديمه جدا وبتستخدم فى طرق كتير وحاجات كتير..فا مش هنتكلم عنها لان معروف طلما فى حد انتحل شخصيتك يبقى انت رايح فى ديها ههههه قول يا رب عموما نكمل موضوعنا التزوير وأنتحال الشخصيه..بقى أسهل بكتيييير جدا مما تتخيل ..بسبب الكمبيوتر والتكنولوجيا الحديثه.. 

زمان كانت  مشكلتك انك تحافظ على أوراقك الرسميه زى Passport and National cardوغيرها علشان متتسرقش منك دلوقتى الموضوع أختلف تماما لانك حاطط معلوماتك فى كل مكان ع الأنترنت ودا زود عدد الجرائم اللى ليها علاقه بأنتحال الشخصيه وسرقه الهويه وغيرهااوخليك فاكر ان التكنولوجيا سهلت كل حاجه ودى مشكله كبيره..لان دائما فى التكنولوجيا شىء أيجابى وشىء سلبى علشان صعوبتها فى سهولتها ..يعنى ايه الصعوبه فى أكتشاف وتعقب صاحب الجرائم دى بسبب انها بتقت تتعمل بسهوله عن طريق الانترنت دا غير ان الأنترنت لوحدو بقى منجم معلومات ..وجرائم سرقه الهويه معتمده اساساا على تجميل المعلومات عن الضحيه وسرقه بياناتك الخاصه مهما كانت سواء بمزاجك او غصب عنك أنت عارف جرائم سرقه الهويه او زى ما بنسميها بالشكل العلمى IDENTITY THEFT بتكلف الأقتصاد العالمى ملايين الدولارات كل سنه دا غير أن  دا غير ضحايا أنتحال الشخصيه والمشاكل اللى بيقعو فيها ..لكن يا ترى ايه هى الطرق اللى ممكن بسهوله ..تتسرق بيها بياناتك الشخصيه عن طريق التكنولوجيا أول حاجه عن طريق بريدك الألكترونى أو الايميل ودا تقدر تعتبره سبب رئيسى فى سرقه بيانات ناس كتير جدا لو تم أختراقهعن طريق تخمين Password او تخمين سؤال الامان او او فى طرق كتييييير جدا لسرقه حسابك..وحيل لا تتوقعها ولكن دا مش موضوعنا النهارده بس أكيد هنتكلم فى الموضوع دا بشكل مفصل المهم نرجع لموضوعنا

يعنى لو الأيميل دا أنت عامل بيه اكونت ع الفيسبوك او مسجل بيه فى موقع تانى او مستخدمه فى التسجيل 

فى خدمات بيع وشراء أو حتى مواقع خدمات رسميه أو حكوميه فا كل دى بيانات بيعرفها الهكرز او 

المنتحل شخصيتك بنك معلومات وأنفتح ... فا بالتالى أنت هتبقى فى مشكله كبييره..

فا فى طرق كتير كمان تقدر تسرق بيها المعلومات زى سرقه الاكونت الخاص بك ع الفيسبوك ودى طبعا طريقه سهله جدا وطرقها وتجميع المعلومات فى منتهاء السهوله ..هنرجع بقى لموضوعنا الاساسى وازاى تحمى نفسك او تتاكد من حمايه بياناتك..اول حاجه تتأكد من قوه الباسورد وأنه أكثر من 8 أرقام وطبعا لازم يكون فيها حروف ..وطبعا غير متوقعه ومينفعش الباس يبقى ليه علاقه باى بيانات شخصيه ليك..او معلومات بتستخدمها او ارقام بتستخدمها .. ولازم تعمل لكل حساب او كل حاجه بتستخدمها لادخال باسورد لازم يكون باسورد مختلف يعنى مثلا باسورد الايميل غير الاكونت وهكذا لانك لو عملت باس واحد لكل ايميل واكونت وحساب انت بتستخدمه فا دا اكبر غباء أو خظاء بيقع فيه الانسان العادى.. فا نخلى بالناا من الموضوع دا ..

وانت هتقولى طب انا هفتكر كل كلمات السر دى ازاى بلاش تفتكر خالص لان حضرتك المفروض تخزن الكلمات دى فى برنامج معين بيحفظ ليك الكلمات حتى لو تم اختراقك وميقدرش المخترق انه يعرف بياناتك ولازم طبعا البرنامج دا تكون حافظ كويس جدا الباسورد الخاص بيه.., وطبعا فى برنامج كتير للموضوع دا ومجانيه كمان زى مثلا برنامج keepass وطبعا كلمه السر لازم تكون بعيده عن اى بيانات ليك بعد كلمه السر لازم تتاكد ان قناه الاتصال بتكون مشفره يعنى ايه الكلام دا يعنى لازم تتاكد ان خدمه البريد اللى بتستخدمها سواء الجيميل او الهوتميل او الياهو او الفيسبوك وغيرها بتدعم التشفير.! بينك وبين اللى بتبعتله الرساله ..

فا لازم نتاكد من علامه القفل دى فى الاتصال لان معناها Secure connection او اتصال آمن..

 فا لو بتبعت بيانات حساسه ببريد مش متشفر يبقى تستاهل بقى تتسرق هويتك..ولو فى    مواقع مش بتستخدم HTTPS فا تقدرتستخدم تطبيق   HTTPS Everywhere

وطبعا تقدر تستخدم فى اى متصفح انا بس منزل لعشاق ال firefox واللى انا منهم ههههه

فى بقى خطوه أخيره ومهم جدا علشان متتسرقش هويتك على الانترنت حتى لو اتسرقت ..كلمه السر الخاصه بالفيسبوك أو الايميل أو حتى موقع البنك..! وهى انك تستخدم حاجه أسمها 

  Two-Factor Authentication

دى معناها دخول الموقع بخطوتين..يعنى حضرتك لما تدخل كلمه السر علشان تدخل على حسابك سواء على الايميل او على الفيسبوك او على اى موقع ..يقوم الموقع بعتلك رقم سرى او كود على تليفونك لما تدخله للموقع يفتحلك الحساب ..بتاعك دى مهمه جدا لو عايز تحمى حسابك بنسبه كبيره لان اللى سرق كلمه السر او عرفها اكيد مش معه تليفونك علشان يحصل على الكود والا لو اللى سرقك بقى سرق التليفون كمان .."والطريقه دى مش متاحه فى كل المواقع" فا لو متاحه فى الموقع اللى بتستخدمه يا ريت تفعلها

دا موقع اسمه

Two Factor Auth (2FA) 

 فيه قائمه بكل المواقع اللى مفعله الخدمه دى علشان توفر حمايه اضافيه للموقع والخصوصيه للمستخدميندى كانت خطوات اساسيه فى الحمايه لان المجرمين على الانترنت بيتفننو فى سرقه بياناتك عن طريق سرقه بطاقات الائتمان عن طريق البيانات الوهميه طبعا الروابط دى ممكن تجيلك عن طريق الايميل الخاص بك علشان كدا مش اى رابط تدخل عليه او تسجل فيه وبكدا يكون الموضوع انتهاء وأتمنى مكنش طولت هههههه لانى ملاحظ أنى طولت ..الى لقاء فى مواضيع أخرى.