حقيقه أختراق أحمد سماره موقع داعش

 السلام عليكم ورحمه الله وبركاته

هندخل فى الموضوع على طول ونتكلم عن ازاى أحمد سماره وهم الناس بأختراقه لموقع داعش..!

الاول دى صوره من الانديكس اللى رفعه ع الموقع. .

زى ممكتوب هنا تم الاختراق بتاريخ (2015-2-19) الساعه 6 صباحاَ..! طيب دلوقتى كل الحكايه ان معاد تجديد الدومين
الخاص بالموقع دا كان فى التاريخ دا بالظبط ..! فا هم بيدو فتره سماح يوم أو أتنين فا هو عمل ايه اشترى الدومين قبلهم ..

وعمل سيرفر خاص بيه وربطه بالموقع وطبعا بيقول انه وصل للسيرفر الخاص بيهم هو طبعا موصلش سيرفر ولا اى حاجه

دا كل الحكايه انه عمل سيرفر داخلى .. طيب دلوقتى دا الموقع الخاص بداعش .. اللى احنا بنتكلم عنه..

 alminbarmedia.com الاول هندخل على الموقع دا who.is الموقع بيجبلك معلومات عن الدومين .. بتحط الدومين المعين

فى محرك البحث فى الموقع وبعد كدا الموقع بيجبلك كل البيانات الخاصه بالدومين

طيب دلوقتى هنشوف بيانات الدومين

  طبعا الدومين خاص بشركه  GODADDY

لو لحظنا ان تاريخ الشراء او التسجيل يعنى يوم 2015-2-19.. وتاريخ انتهائه 2016-2-19 يعنى لو اى شخص 

جه فى اليوم دا واشترى الدومين خلاص بقى الموقع تابع ليه.. بس طبعا هو مش هيمتلك السيرفر هو هيمتلك الاسم الخاص بالموقع

وكمان من ضمن الحاجات اللى ضحكتنى جدا هى انه أكتشف ثغره خطيره فى الفيسبوك يقدر يخترق بيها اى حساب ومع لوحه التحكم الخاصه بالموقع وكلام كتير وانه بعت المشكله دى لادراه الفيسبوك وكدا وهما كافئوه..! طيب فى صفحه اسمها .. 

 whitehat

الصفحه دى بيتحط فيها أسماء الناس اللى اكتشفت ثغرات واللى طبعا اتكافئو .. واللى طبعا أحمد سماره مش فيها.

 بس وبكدا نبقى شوفنا كذب أحمد سماره..!