كيف يمكن فعليا أختراق الأقمار الصناعية وأكاذيب أعلاميه !! ( الجزء الأول )

السلام عليكم ورحمه الله وبركاته

الأول هنضع عناصر للموضوع وسنجيب على كل نقطه فيه

1) حصريا نكشف أكذوبه أختراق القنوات الفضائيه

2) وما هى حقيقه من يدعون أختراق القنوات والمواقع ..

3) وهل يروج الأعلام لجرائم دون أن يدرى 

4) وكيف يمكن أختراق الأقمار الصناعيه 

والأن نبدأء بأول عنصر (1)*شباب يدعون أختراقهم لقناه فضائيه لمده أسبوع !!

*أطفال تحولو الى هكرز بمساعده الأعلام ..*الولايات المتحده تتهم الصين بأختراق أقمار للطقس !!

*باحثون يحذرون من اختراق أنظمه الملاحه للطائرات ..*القبض على هكرز فى بريطانيا ادعى أختراق قمر صناعى !!

 موضوعنا مهم جدا لكل اللى مهتمين بالتكولوجيا دا غير أن الأعلام ماشاء الله فاريد ليه مساحات كتير دون جدوى وأكيد سمعت طبعا عن الناس اللى مسمين نفسهم هكرز وكل شويه مستضفهم أعلامى يجب واحد منهم علشان يتكلم عن أنجازاته تقدر تشوف بتكلم عن اى بالضغط هنا  زى ما هتشوف فى الفيديو هيتكلمو عن أختراق قناه الشريعه بعيدا عن القناه وتوجوهتها او مين اللى وراها  فى سؤال بسيط لأعلامى أحمد موسى هو اى حد يجيبلك فيديو فيه تسلم الأيادى وصوره السيسى ومكتوب عليه اختراق نصدق على طول ونفردله مساحه كبيره فى الأعلام !! طب متيجى نسمع تانى الفيديو اللى عرضه من يزعمون انهم هكرز يمكن أحنا ظالمنهم!! أضغط هنا لمشاهده الفيديو  زى ما هنشوف كدا انهم مشاء الله أخترقو القمر الصناعى وأخترقو القناه !! الأتنين مع بعض !! ببساطه كدا فى فرق كبير جدا من اختراق قناه فضائيه وأختراق القمر الصناعى ودا موضوع هشرحله بالتفصيل وبشكل علمى حضرتك لما بدخل تردد معين فى الرسيفر علشان تستقبل قناه معينه مش حضرتك بتلاقى التردد دا عليه أكثر من قناه السؤال بقى بفرض انهم أخترقو القمر الصناعى وقدرو يبثو فيديو زى مشوفنا ع التردد مش دا معناه ان جميع القنوات على نفس التردد المفروض تذيع الفيديو دا !! وطبعا دى كانت هتبقى فضيحه او القنوات اللى على التردد كانت هتشتكى او تطلع اى بيانات ودا محصلش طبعا مش عيب طبعا ان أحمد موسى ميكونش مركز فى المعلومات الفنيه اللى بتنقال قدامه بس العيب اننا منسئلش الناس المتخصصه ونفضل نكبر فى الموضوع لحد ميبقى حقيقه لو ركيزت فى اول فيديو هتلاحظ ان فى شخص غبى بيقول انهم أكتشفو أن القناه وقعه بين سيرفر أسرائيلى ورجع قال قمر أسرائيلى !! وشويه يقول القناه مش وقعه فى السيرفر بتعنا اللى هو القمر بتعنا هههههه بذمتك ناس مش عرفه الفرق بين سيرفر اللى هو بالمناسبه جهاز كمبيوتر عليه مواقع مثلا وبين وقمر صناعى عليه قنوات فضائيه !! بالأمانه دى ناس فهما يعنى اى كمبيوتر اصلا 1! فى فرق كبير جدا بين التعامل مع كمبيوتر عليه مواقع ممكن تخترقها أو بين قمر صناعى عليه قنوات فضائيه زى مهنشرح بالتفصيل بس عيزك تركز فى اول فيديو وتشوف أزاى بيخترقو القنوات الفضائيه ههه !! هيقولك أولا لازم تبقى مبرمج مبرمج محترف هه واضح درجه الأحتراف بصراحه ركز تانى هيقول اى طفل عنده 15 سنه فى الجيش المصرى الألكترونى هو اللى تولى غلق القناه عندكم أطفال ماشاء الله هههه الاختراق جريمه لا يجب الترويج لها وللأسف مفهمناش برضو بيخترقو القنوات دى أزاى معلش هنرجع تانى للفيديو الأول وركز قال اى فى أختراقه للقناه وكلامه عن حصن طرواده اللى هو بيبقى ملف تجسس بيتبعت ليك اول ميبقى موجود على جهازك بيتفتح بورت بين جهازك وجهاز المخترق ويقدر فعلا يخترقك الكلام هنا ان البرنس بيقول انه بعتله حصن طرواده اول مفتح الملف اتمكن من أختراقه ومعرفه كل البسوردات اللى على الجهاز وان القناه مكنتش موجوده بس على السيرفر دا كان فى قنوات كتير جدا ههههههه رجعنا تانى لموضوع انهم مش عارفين يفرقو بين السيرفر والقمر الصناعى !! انا مش فاهم اى هو سيرفر ولا قمر صناعى واى علاقه الفيسبوك باختراق القناه الفضائيه اى كلام كبير وخلاص علشان الناس تصدق واى علاقه صحن طرواده اللى هو اصلا مصطلح غلط هههه بأختراق القمر الصناعى وأى علاقه السيرفر بالقمر الصناعى  اى كلام وخلاص يا جماعه لا توجد علاقه بين أختراق المواقع وأختراق القمر الصناعى وبكدا نكون أنهينا الجزء الأول من الموضوع وللحديث بقيه .